Қазалы Қазалы аудандық қоғамдық-саяси газет
» » Қоғамдық маңызы бар әдебиеттерді іріктеуге дауыс беру жарияланды

Қоғамдық маңызы бар әдебиеттерді іріктеуге дауыс беру жарияланды

Дауыс беру кезеңі 2021 жылдың 4 маусымнан 31 шілдеге дейін жалғасады. Қазақстанның Ұлттық мемлекеттік кітап палатасы "Қоғамдық маңызы бар әдебиеттерді басып шығару және тарату" мемлекеттік бағдарламасына ұсынылған кітаптарды алдын-ала іріктеуді бастады.

Мемлекеттік бағдарламаға ұсынылған кітаптарды қабылдау мерзімі 31 мамыр аяқталған болатын. Енді құжаттары мен қажетті материалдары ұсынылған шығармалар келесі – дауыс беру кезеңіне жіберілді. Дауыс беру кезеңі 4 маусымнан 31 шілдеге дейін жалғасады. Кітаптарға "Кітаптарды іріктеу – 2022" ақпараттық жүйесіне өтіп дауыс беруге болады.

Оқырмандар дауысының қорытындысын Ұлттық мемлекеттік кітап палатасы жанындағы Тәуелсіз сараптама комиссиясының мүшелері ескереді. Дегенмен, оқырмандар дауысының қорытындысы шешуші рөл атқармайды.
Іріктеу келесі әдебиет түрлері бойынша жүргізіледі:

энциклопедиялық және анықтамалық әдебиет;
балалар және жасөспірімдерге арналған әдебиет;
мәдениет және өнер туралы әдебиет, оның ішінде ноталық әдебиет (ноталық шығармаларда ноталар шығарманың жалпы көлемінің 50% құрайды);
көркем әдебиет;
танымдық әдебиет;
қоғамдық-саяси әдебиет;
ғылыми-көпшілік әдебиет;
аударма әдебиет;
мерейтойлар мен атаулы күндерге арналған әдебиет;
Қоғамдық маңызы бар әдебиетті іріктеу өлшемшарттары мынадай:
  1. көркемдік құндылық;
  2. зияткерлік-білім беру және танымдық мазмұн;
  3. рухани-адамгершілік мәдениетті тәрбиелеу;
  4. тарихи шынайылық;
  5. берілген тақырыпқа сәйкес келетін сапалы иллюстрациялық және бейнелеу материалдар (болған жағдайда);
  6. аударманың әдебиеттің түпнұсқасына сәйкестігі.
10 маусым 2021 ж. 30 0

Жаңалықтар мұрағаты

«    Маусым 2021    »
ДсСсСрБсЖмСбЖс
 123456
78910111213
14151617181920
21222324252627
282930