3 наурыз күні №204 орта мектеп базасында аудандық білім бөлімінің басшысының міндетін уақытша атқарушы Бектұр Асанханұлы Елбасының «Болашаққа бағдар: Рухани жаңғыру» мақаласынан туындайтын міндеттерді жүзеге асырып, мағыналы пікір, келелі ой бөлісу мақсатында ауданымыздағы ардагер ұстаздармен кездесу өткізді.

Кездесу барысында бөлім басшысы білім беру саласындағы ұзақ жылғы жемісті еңбектері және жас ұрпақты оқыту мен тәрбиелеуде біраз жетістіктерге жеткен ардагер ұстаздарымызға білім саласындағы жақсы жаңалықтар мен өзгерістер туралы айтып өтті.

Ардагер ұстаздарымыз Ш.Алтынбаев, К.Мергенбаева, Қ.Жұбатқанова, Ж.Келімбет, Б.Қалнияз, Ж.Әлиева, Г.Шалболова, Ә.Шәлкенбай, Ұ.Рашева, А.Ысқақ өздерінің ұсыныс-пікірлерін, ойларын ортаға салып, ақ-тілектерін білдірді.