– Өткен жылы індет тұтқиылдан келіп, елдің құтын қашырғаны есте шығар. Көптеген жан келместің кемесінен орын тапты, бірсыпырасы ауыр хәлге душар болды. Кейін барлығы басылғандай. Ауыл халқы бір болып, қиын күндерді артта қалдырдық. Алайда соңғы уақытта ауданда ауру жұқтырғандардың саны жаға ұстатарлық. Тәулік сайын саны көбеймесе, азаяр емес. Мұны көрген бойда ауыл тұрғындарына түсіндірме жұмыстарын бастап, бетперде тағып, антисептик пайдаланып жүру қажет екенін айттық.

Сол секілді өткен аптада «Ауырып ем іздегенше, ауырмайтын жол ізде» атты акция ұйымдастырып тұрғындарға санитарлық талаптарды сақтау мен орындауды айтып, тәртіпке шақырудамыз. Осыған байланысты мекеме басшылары, полиция қызметкерімен бірлесіп жұмысшы топ құрылды. Олар ауылдық пошта қызметі мен азық-түлік дүкендері және аудан орталығына қатынайтын маршрут жүргізушілеріне де ескерту жасады, – деді ауыл әкімі.