Бүгінгі күннің өзінде «қорғау нұсқамасы шығарылғандар» санатымен есепте тұрған тұлғалар тұрғылықты мекен жайы бойынша тексерілді. Жанжал шығарғаны үшін 4 азаматқа қатысты қорғау нұсқамасы шығарылды. Профилактикалық есепте тұрған қорғау нұсқамасын бұзған азаматқа әкімшілік шара қаралды. Ішімдік ішіп, отбасында жанжалдасқан азамат маскүнем ретінде есепке ­алынды.

Шара барысында полиция есебінде тұрған түрлі санаттағы 117 адам тұрғылықты мекен-жайы бойынша тексерілді. Сонымен қатар қоғамдық орында алкоголь өнімін тұтынғаны үшін 9, кәмелетке толмағандардың түнгі мезгілде ата-анасыз жүру салдарынан 20 әкімшілік құқық бұзушылық анықталды.

Спирттік ішімдіктерді шамадан тыс пайдаланатындар – 3, «қолайсыз отбасылар» санатымен 4 тұлға бөлімнің профилактикалық және тізімдік есебіне алынды. Халық арасында отбасы тұрмыстық зорлық-зомбылықтың алдын алу мақсатында түсіндірме жұмысы жүргізілді.