Сала салғырттық көтермейді
Қазалы ауданы бойынша Мемлекеттік кірістер басқармасында «Сыбайлас жемқорлыққа қарсы іс-қимыл саласында 2020 жылы атқарылған жұмыстар және алдағы жылға міндеттер» тақырыбында құқық қорғау органдарының басшылары, қоғамдық ұйымдар, БАҚ өкілдерінің қатысуымен мәжіліс өтті. Басқосуға Қазалы ауданының прокуроры, әділет кеңесшісі Б.Мырзабаев, Қазалы аудандық полиция бөлімі бастығының орынбасары, полиция подполковнигі А.Алиев, Қызылорда облыстық мәслихатының депутаты, ауданға белгілі кәсіпкер-меценат, «Nur Otan» партиясы Қазалы аудандық филиалы жанындағы сыбайлас жемқорлыққа қарсы іс-қимыл жөніндегі қоғамдық кеңестің төрағасы И.Тілеп, Қазалы аудандық мәслихатының депутаты, «Тұран-Қазалы» газетінің бас редакторы Ғ.Әліш, «Қазалы» газетінің бас редакторы Е.Табынбаев және басқарма қызметкерлері қатысты.
Мәжіліс барысында Басқарманың бас маманы Ж.Табынбай 2020 жылы атқарылған жұмыстар легін баяндады. Қатысушылар өткен жылы жүргізілген профилактикалық шараларға және Басқарма тарапынан сыбайлас жемқорлыққа қарсы жасалған іс-қимылдарға жоғары баға беріп, алдағы жылға қойылған міндеттерді орындауда сәттілік тіледі.
«ҚАЗАЛЫ» ақпарат
