Есті алған есірткі
Бүгінде нашақорлық қоғамдағы ең күрделі мәселенің біріне айналып отыр. Әсіресе, кейбір жастар мен жасөспірімдеріміздің уақытша «таңғажайып өмір» сыйлар есалаңдық жағдайдың құлы болып жүрген жайы бар.Нашақорлық ұлт қауіпсіздігіне зор қатер төндіретін індет екенін түсіндіріп жатудың қажеті жоқ. Оған мысалды алыстан іздемей-ақ іргеден келтірген де жеткілікті. Қазіргі таңда жасөспірім кезінде балалар өмірдің түрлі саласын көріп , білгісі келеді: тамақтану, киім кию, шаш үлгісі, хобби дегендей...
«Сақ адам сандығын бекітеді» деп, қатерлі жерде қаперсіз отырмаудың қағидасын ескере бермейтініміз бар. Жаманнан сақтана білген қоғам жанын сақтайды. Жаманның бірі-тәуелділік, ой-сананы құрсауға алған нашақорлық болса керек.
Бүгінгі таңда әлемдегі күрделі мәселенің бірі-нашақорлық пен есірткі бизнесі. Ұрпағының келешегіне алаңдаған еліміз үшін бұл мәселе өзекті. Бір өкініш, бір үміт қатар жүретін заманда жаман әдеттен сақтанып, болашағымыздың саналы ұрпақтарын тура жолға бастау, жол көрсету – біздің міндетіміз!Айгерім ТЕҢГЕБАЕВА,
Ғ.Мұратбаев атындағы №17 орта
мектептің қазақ тілі мен әдебиеті пәнінің мұғалімі
