Сот шешімімен маскүнемдіктен еріксіз емделуге жіберілді
«Алкоголизмге, нашақорлық пен уытқұмарлық дертіне шалдыққаң ауруларды еріксіз емдеу туралы» ҚР Заңына сәйкес, өз еркімен емделуден жалтарған алкоголизмге, нашақорлық пен уытқұмарлық дертіне шалдыққан ауруларға денсаулық сактау жүйесінің мамандандырылған емдеу профилактикалық мекемелерінде еріксіз стационарлық ем қолдануға тиіс.Қазалы аудандық сотымен «Амбулаториялық-емханалық қызметі бар Қазалы аудандық орталық ауруханасы» шаруашылық жүргізу құқығындағы мемлекеттік кәсіпорнының азамат А.-ны маскүнемдіктен мәжбүрлеп емдеуге жіберу туралы арызы бойынша азаматтық ісі қаралды.
Сот мәжілісінде азамат А. өз еркімен спирттік ішімдік ішуді қоя алмайтынын көрсетті және маскүнемдіктен өз бетімен емделуден бас тартты.
Сот шешімімен азамат Т. 6 ай мерзімге маскүнемдіктен мәжбүрлеп емдеу үшін мамандандырылған емдеу-профилактикалық мекемесіне еріксіз емдеуге жіберілді.
Шешім заңды күшіне енген жоқ.
Қазалы аудандық сотының баспасөз қызметі
