Карантин кезінде жұмыссыздарға төленетін төлем мөлшері өсуі мүмкін
Еңбек және халықты әлеуметтік қорғау министрлігі жұмыссыздарға жұмысынан айырылғаны үшін төленетін төлемнің мөлшерін арттыруды жоспарлап отыр. Бұл туралы ведомство басшысы мәлімдеді, деп хабарлайды Sputnik Қазақстан.Елде карантин қайта енгізілсе, қазақстандықтар жұмысынан айырылып, табысы азаюы мүмкін. Сондықтан шұғыл және жүйелі шаралар қабылдауға дайын болуымыз қажет, деді ол.
Бұл ретте министрлік жұмыссыздарға жұмысынан айырылу бойынша төленетін төлемді арттыруды көздеп отыр.
«Карантин кезеңінде жұмыссыздар үшін жұмыстан айырылу бойынша төленетін төлем мен оның кезеңін арттыру туралы ұсыныстар енгізуді жоспарлап отырмыз. Енгізуіміз мүмкін», – деді Нұрымбетов мәжілістегі үкімет сағатында.
Сонымен қатар, «Жұмыспен қамту жол картасын» жалғастырып, инфрақұрылымдық жобалар арқылы жұмыс орындарын сақтау және құру шаралары, «Еңбек» бағдарламасы аясында субсидияланатын жұмыс орындарын көбейту, толық емес немесе қысқартылған жұмысқа көшкен жағдайда ең төменгі жалақы мөлшерінде жалақының бір бөлігін өтеу немесе субсидиялау тетігін енгізу шаралары жоспарланып отыр.
