Жақында аудандық, облыстық мәслихат депутаттары мен дербес бөлім басшылары, кент, қала және ауылдық округ әкімдерінің қатысуымен аудандық мәслихаттың кезектен тыс ХХVIII сессиясы өтті.

Онда аудандық мәс­ли­хаттың 2018-2020 жыл­дарға арналған аудан­дық бюджет туралы ше­шіміне өзге­рістер мен толық­тырулар енгізу туралы мәселе қара­лып, аудандық экономика және бюджеттік жоспарлау бөлі­мінің басшысы Бақыт­жан Жарылқаптың хабарламасы тыңдалды. Бұдан әрі Бақытжан Дүзелбайұлы екінші мәселе бойынша депутаттарға “Қазалы ау­да­нының кейбір елді мекендерін біріктіру арқы­лы тарату” туралы айтып берді.

Сондай-ақ, күн тәртібін­дегі белгіленген “Қазалы ауданы, Әйтеке би кентінің кейбір көшелерін қайта атау, көшелерге атау беру жөніндегі Қызылорда облыстық ономастикалық ко­мис­сиясының қарауына ұсы­ныс енгізу туралы” аудан­дық мәдениет және тілдерді дамыту бөлімінің басшысы Айгүл Лайық, “Жерлерді аймақтарға бө­лу жо­басын (схемасын) бағалау аймақ­тары­ның шекараларын және базалық салықтық став­каларына түзету коэф­фициент­терін бекіту туралы” Қазалы аудандық мәслихатының 2012 жылғы 19 желтоқсандағы №74 шешіміне өзгерістер енгізу туралы” аудандық жер қатынастары бөлімінің басшысы Ардақ Жанұзақ баяндады.

Өз кезегінде бірқатар депутаттар талқылауға түс­кен жайттарға байла­нысты ой-пікірлерін ортаға салып, оң шешімін табу жолдарын тілге тиек етті. Сессия жұмысына аудан әкімі Мұрат Ергешбаев қатысып, бюджет жағдайы мен алда тұрған нақты міндеттерге тоқталды.