«Роботурнир-2020» жарысы
Сенбі күні аудандық Оқушылар үйінде мектеп оқушыларының ІТ саласына деген қызығушылығын арттыру, оқушылардың ІТ дағдылары мен робототехника, механика, бағдарламалау салаларындағы конструкторлық ізденістері мен өнертапқыштық шығармашылығын дамыту, оқушылардың экологиялық, шығармашылық, логикалық қасиеттерін нығайту мақсатында аудандық «Роботурнир-2020» жарысы өтті.Жарыс «Спорттық робототехника» бағыты бойынша: «Сызық бойымен жарыс» санатындағы роботтар жарысы, «Кегельринг» санатындағы роботтардың жарысы, «Робосумо» санатындағы роботтар жарысы және «Робототехникалық шығармашылық жобалар» бағыты бойынша өткізілді. Жарыс ережесіне сәйкес қатысушылар өздері құрастырған роботтарымен жарысқа түсіп, жұмыстар көрсетті.
Аудандық «Роботурнир-2020» жарысына он төрт команда қатысып, жарыс қорытындысы бойынша жеңімпаздар марапатталды. Командалық есепте №266 мектеп-лицейдің «Болашақ» командасы жеңімпаз Кубогын иеленді.
