Әскери қызметке шақыру мәселелері
Кеше Қазалы ауданы әкімінің аппараты мен аудандық қорғаныс істері жөніндегі бөлімнің ұйымдастыруымен көктемгі мерзімді әскери қызметке шақыруға байланысты жиналыс өтті.Аудандық шақыру пунктінде өткен жиналысқа қала, кент, ауылдық округ әкімдерінің осы салаға жауапты қызметкерлері қатысты. Алдағы уақытта Отан алдындағы борышын өтеуді қасиетті парызым деп білетін, моральдық және психологиялық тұрғыдан мықты, физикалық жағынан мығым азаматтар Қазақстан Республикасы Қарулы Күштерінің әскери бөлімдеріне жөнелтілетін болады. Басқосуда ол үшін алдан ала зерделеу жұмыстарын сапалы өткізу қажеттігі туралы мәселелер талқыланды. Жиналыста әскерге шақыру жұмысымен айналысатын жауапты мамандардың өз қызметтеріне жауапкершілікпен қарау қажеттігі айтылды.
Көктемгі мерзімді әскери қызметке шақыру маусым айының соңына дейін жүргізіледі.
Қазалы ауданы әкімінің баспасөз қызметі
