Қазалы Қазалы аудандық қоғамдық-саяси газет
» » Мемлекеттік қызметкерлердің тәртібі тиянақталды

Мемлекеттік қызметкерлердің тәртібі тиянақталды

Қазалы ауданында әдеп жөніндегі уәкілдің функцияларын түсіндіру және танымдылығын арттыру мақсатында семинар-кеңес өтті.
Аудан әкімінің орынбасары Әлімжан Жарылқағанов төрағалық еткен басқосуға сыбайлас жемқорлыққа қарсы іс-қимыл жөніндегі арнайы мониторинг топ жетекшісі Ғазиз Әліш, «Ақмешіт адалдық алаңы» жобалық кеңсесінің Қазалы ауданындағы жұмысшы тобының жетекшісі Есет Табынбаев, қала, кент, ауылдық округ әкімдері және аудандық дербес бөлім басшылары мен мамандары, БАҚ өкілдері қатысты.
Семинар-кеңесте алдымен аудан әкімі аппаратының басшысы Нұрғиса Жалғасбаев өткен жылы ауданда сыбайлас жемқорлықтың алдын алу және мемлекеттік қызметшілердің әдебі туралы атқарылған жұмыстар жөнінде баяндады.
Мұнан соң облыс әкімі аппаратының Әдеп жөніндегі уәкілі Хамит Тарбақов, «Nur Otan» партиясының облыстық филиалы жанындағы сыбайлас жемқорлыққа қарсы іс-қимыл комиссиясының төрағасы, облыстық Әдеп жөніндегі кеңестің мүшесі, облыс әкімінің кеңесшісі Махсұт Нәлібаев жергілікті атқарушы органдардың мемлекеттік қызметшілері әдеп нормаларын, мемлекеттік қызмет, сыбайлас жемқорлыққа қарсы іс-қимыл туралы заңнамаларды қатаң сақтап, заң бұзушылықтарды болдырмау қажеттігі жөнінде айтты.
Сондай-ақ, Хамит Мұратұлы мемлекеттік қызметшілерге жалпы қабылданған моральдық-әдептілік нормаларын ұстануға, өз тарапынан қоғамдағы адамгершілікке, тәртіпке және қауіпсіздікке қол сұғушылыққа әкелетін заңнама талаптарын бұзуға және басқа азаматтарды құқықтық тәртіпке қарсы, қоғамға жат әрекеттерді жасауға тартуға жол бермеу міндеттерін түсіндірді. Ал Махсұт Ибрайханұлы Мемлекет басшысы белгілеп берген сыбайлас жемқорлыққа қарсы іс-қимылдың бағыттарын атап өтіп, өңірдегі жүргізіліп жатқан жұмыстар ¬туралы баяндады.
Басқосуды қорытындылаған аудан әкімінің орынбасары Әлімжан Жарылқағанов облыс орталығынан арнайы келіп, семинар-кеңес өткізген азаматтарға алғысын білдірді.
“ҚАЗАЛЫ” ақпарат
15 ақпан 2020 ж. 240 0

Жаңалықтар мұрағаты

«    Шілде 2020    »
ДсСсСрБсЖмСбЖс
 12345
6789101112
13141516171819
20212223242526
2728293031