Тұрғындар мәселесі тыңдалды
Бүгін Қазалы қаласының әкімі Рахметулла Жәдігерұлы төрт жерде қала тұрғындарымен кездесу өткізді.Кездесудегі негізі мақсат – халықтың ұсыныс-пікірлерін тыңдап, тазалық сақтау, жер учаскелерін артық қоршап алғандарға заңдастыруды және малдарын пада арқылы бағу қажеттігін түсіндіру болды.
Барлық жердегі кездесуде қала әкімі алдымен алда атқарылатын жұмыстар жөнінде ақпарат беріп, жаңалықтарымен бөлісті. Өз кезегінде тұрғындар жолдарды жөндеу, жарықтандыру, газ желісін жеделдетіп тарту, №1 маршрутты қаланың шет аймағына дейін жүргізу, жер учаскесін беру және тағы басқа мәселелерді көтерді.
Тұрғындар ұсынысын мұхият тыңдаған қала әкімі барлық мәселелер кезең-кезеңімен шешілетіндігін жеткізді.
Кездесу жалғасады.
