Бас дәрігерлер түзету мекемесінің жағдайымен танысты
Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің ұйымдастыруымен, облыс бойынша қылмыстық – атқару жүйесі департаментімен бірлесіп облыстық денсаулық басқармасына қарасты денсаулық сақтау ұйымдарының бас дәрігерлері түзету мекемесінің жағдайларымен танысты.Қызылордада 60-тан аса медециналық мекеменің бас дәрігерлері қылмыстық – атқару жүйесі департаментінің ЗК – 169/1 мекемесінің тергеу изоляторына барды.
Бұл шараның мақсаты – мемлекеттік қызметшілер арасында сыбайлас жемқорлыққа төзбеушілікті қалыптастыру және оларды сыбайлас жемқорлық әрекеттерінің салдарымен таныстыру болып табылады.Бұндай шара алдағы уақытта өз жалғасын табатын болады.
"Қазалы" ақпарат
