Сотталушының пробациялық бақылау мерзімі сотпен ұзартылды

Қазалы аудандық сотында Қазақстан Республикасы Қылмыстық Кодексінің 188-бабының 3-бөлігімен кінәлі деп танылған азамат А.-ға қатысты Қазалы аудандық пробация қызметінің пробациялық бақылау мерзімін ұзарту ұсынымы қаралды.

Сотта сотталушы А.-ның тіркеуге бірнеше рет келмегені, тексеру кезінде тұрғылықты жері бойынша орнында болмағаны анықталды.

Сотта Қазалы аудандық пробация қызметі бөлімінің өкілі, шартты түрде сотталған А.-ға қатысты пробациялық бақылау мерзімін ұзартуды сұраған.

Сот пробация қызметінің ұсынысын қанағаттандырып, сотталған А.-ның пробациялық бақылау мерзімін 1 айға ұзартты.

Қаулы заңдық күшіне енген жоқ.