Ғалымдар ішімдіктің пайдасы бар екенін дəлелдеді
Американың Рочестер университетінің ғалымдары алкогольді аз мөлшерде ішу арқылы Альцгеймер сырқатының қаупін төмендетуге болатынын анықтады. Зерттеушілердің материалы Scientific Reports журналында жарияланды, деп хабарлайды Вaq.kz ақпарат агенттігі lenta.ru басылымына сілтеме жасап.Мамандар спиртті ішімдік сүтқоректілердің орталық жүйке жүйесін күнделікті тағамдардан тазартатын глимфатикалық жүйесіне жақсы әсер ететінін анықтады. Глимфатикалық жүйе 2012 жылы тышқандарға сараптама жүргізу арқылы белгілі болды. Ол мидағы паталогиялық ауруларды туғызуы мүмкін қажетсіз ақуыздар мен басқа да керексіз қоспаларды жұлындағы сұйықтықты айдау арқылы жойып отырады.
Сөйтсе, тышқан ішімдікті көп мөлшерде әрі ұзақ уақыт пайдаланса, ол глимфатикалық жүйенің жұмысына кері әсер ететін болып шықты. Ал, алкогольді аз мөлшерде (күніне адам салмағының әр килограмына 0,5 грамнан) ішіп отырған кеміргіштің аталған жүйесі жақсы жұмыс істеген.
Ғалымдардың айтуынша, бұл деректер аз мөлшерде ішімдік ішу ақылдың кем болу қаупін басатынын көрсетеді. Ал, көп ішу танымдық қабілетке теріс ықпалын тигізеді.
