Сәбилерге сый жасалды
Адам ақылды, кішіпейіл, әділ, батыл да, қайырымды болуға тиіс. Тек сонда ғана оның адам деген мәртебелі атпен аталуға құқы болады дейді зиялылар. Осы сөзге лайық жандар арамызда көптеп кездеседі. Сондай жанның бірі – кәсіпкер "Жасғас" дүкенінің меңгерушісі Анарбай Жалғасов әлеуметтік қолдауды қажет ететін 10 отбасының балаларына көмек қолын созды. Ол "Мектепке жол" акция аясында Жанқожа батыр ауылындағы №94 орта мектепте сабақ сөмкесін оқу құралдарымен, спорттық киімдер және қыстық күртеше сыйға тартты. Балғындар мейірімді жанның сыйына қуанғанын жасырмады. Қайырымды азаматқа ата-аналары риясыз алғыстарын білдірді.
Қажетті бұйымдар барлығы 250 000 теңгені құрады.
А.Қазмағамбетова
