Су тоғандары тазартылды
Қоршаған ортаны, оның ішінде табиғи ресурстарды көз қарашығындай қорғау – әрбір азаматтың рухани парызы.Осыған орай жер-жерде экология, геология және табиғи ресурстар министрлігі ұйымдастырған «Бірге – Таза Қазақстан» акция апта сайын өткізілуде.
Игі бастама ауылдың экологиялық жағдайының жақсаруына елеулі үлес қосып келеді. Тазалық шаралары кезінде Қазалы қаласы мен Ақтан батыр ауылының аралығындағы Жұбатқан су тоғаны, Аташ су тоғанының айналасы қоқыстан тазартылды. Сонымен бірге аудандық маңызы бар күре жол маңайы ретке келтірілді.
Экологиялық акция барысында Ақтан батыр ауылынан Сақыбай су тоғаны аралығындағы тұрмыстық қатты қалдықтарды жою қолға алынбақ. Осыған орай Көларық ауылдық округі әкімінің аппараты Ақтан батыр ауылының тұрғындарын алдағы сенбіде тазалық акциясына белсенді түрде қатысуға үндеуде.
Айнұр ЖИЫЛЫСҚЫЗЫ
