Ресей астанасын өзгертпек
Ресейдің ақпараттық кеңістігінде астананы ауыстыру мәселесі жиі көтеріліп жүр.Бұл Қазақстан үшін талқыланатын аса маңызды тақырыптардың бірі. Біріншіден, біз көршілерімізбен астананы өзіміздің астанамызды көшірудегі пайдалы тәжірибемізбен бөлісе аламыз. Екіншіден, Ресей елінің астанасын Қазақстан шекарасына жақын Омбы қаласына көшірмекші. Белгілі Ресей қоғам қайраткері Юрий Крупновтың айтуы бойынша биылғы жылы Ресей астанасын көшіру мәселесі шешілмейтін болса, Ресей Федерациясының құлдырауына немесе елдегі наразылықтарға алып келуі мүмкін. Астананы Мәскеу қаласынан Омбы қаласына көшіру Ресей халқын жұмылдыруға, басқарудың жаңа жолдарын пайдалануға, Қазақстанмен ара қатынастың нығаюына және күшейіп келе жатқан Қытайға төтеп беру үшін жасалу керек әрекет. Аталмыш орын алуы мүмкін саяси қадамның талқылануы бізді ойландыратын жайт. Ресей астанасы Қазақстанмен шекаралас аймаққа орын тепсе, Қазақстандағы Ресей ықпалы мен идеологиясы артуы мүмкін.
