Қазақстан Қытайға қанша астық экспорттап отыр
2023 жылдың алты айында Қазақстан Қытайға 100 мың тоннадан астам астық экспорттады. Бұл туралы Ауыл шаруашылығы министрлігінен мәлім етті, деп хабарлайды inform.kzБиыл Қытай тарапымен Алашаңқай станциясына «тәулігіне бір темір жол құрамы» схемасы бойынша қазақстандық астықты экспорттау бойынша (коронавирус пандемиясына байланысты үш жылдық тыйымнан кейін) келісімге қол жеткізілді. Осы іс-шаралардың арқасында қазақстандық экспорттаушылар Қытай бағытына астық экспортауды қайта бастады. Осылайша, 2023 жылдың бірінші жартыжылдығында Қытайға «тәулігіне бір темір жол құрамы» схемасы бойынша 100 мың тоннадан астам отандық бидай экспортталды
, - деп атап өтеді министрліктен агенттіктің ресми сауалына орай.
Ведомство мәліметінше, қазіргі уақытта тәулігіне екі темір жол құрамын жөнелту туралы келісім жасалды.
«Бұл астық экспортының көлемін айтарлықтай арттыруға мүмкіндік береді. Сондай-ақ Қытай тарапынан қазақстандық астықты қабылдаушылардың санын арттыру бойынша келіссөздер жүргізілуде. Бұл да ҚХР-ға қазақстандық астықты жеткізуді арттыруға ықпал етеді», - деп нақтылайды министрлік.
