Жапонияда кеме китке соғылып, 80-нен астам жолаушы жарақат алды
АСТАНА. ҚазАқпарат - Жапон теңізінде жүзіп бара жатқан паромдағы 80-нен астам адам жарақат алды. Алдын ала болжам бойынша, жоалушылар кемесі китпен соқтығысқан, деп хабарлайды ҚазАқпарат Kyodonews агенттігіне сілтеме жасап. Жапония жағалау күзеті мен жергілікті биліктің хабарлауынша, сенбі күні Жапон теңізіндегі Садо аралының маңында паромның су астындағы қалақтары теңіз жануарымен соқтығысқан, сөйтіп 80-нен астам адам жарақат алды. Кеменің артқы бөлігінде 15-сантиметрлік жарықшақ пайда болып, су асты қалақтарына зақым келген. Кеме операторының сөзінше, төрт адам ауыр жарақат алды. 12:15-те болған апатқа қарамастан кеме діттеген жеріне, яғни Садо аралына жетіп жығылған. Кемеде 121 жолаушы мен экипаждың 4 мүшесі болған. Ол Ниигата айлағынан сағат 11:30-да шыққан болатын.
