Мьянма жағалауында экипажы мен жүгі жоқ "елес кеме" табылды
Мьянманың оңтүстігіндегі жағалауынан балықшылар экипажы мен жүгі жоқ кеме тапты, - деп хабарлайды RT жергілікті БАҚ өкілдеріне сілтеме жасап. Кеме Андаман теңізінің жағалау тізбегінен 11 шақырым жерде қайырға тұрып қалған. Тексерістен кейін, жүк тасымалдайтын 26,5 мың тонналық Sam Ratulangi PB 1600 кемесі екені және оның ұзындығы 177 метр екені анықталған.
Соңғы рет бұл кемені 2009 жылы Тайвань жағалауынан көргендер бар. Ол кезде кемеде Индонезия туы тұрған. Осыншама алып кеменің Мьянма су территориясында орналасуы әзірше жұмбақ.
Бір нұсқа бойынша, кемені Джакартадан Бангладешке сүйреп алып келген. Ауа райының қолайсыздығына байланысты, трос үзіліп, кеме жоғалып кеткен.
kaz.tengrinews.kz
