Әрбір қыз баласы бойжетіп, күйеуінің үйіне аттанар тұста осы мәселеге көп алаңдайтын көрінеді. Сонымен бірге туыстарына айтуға да ыңғайсызданатын сияқты. Ал, кейбір қыздар мұны мүлде қабылдай алмайды. Өзін басқа фамилиямен атаса, бөтен адам сезінетін жағдайлары да бар. Қыздардың тегін ауыстырғысы келмеуіне негізінен түрлі себептер бар. Бұл оның жарының пікіріне де байланысты болуы мүмкін. Кейбір еркектер әйелінің өз фамилиясына өтпегеніне ренжиді, ал біреулері үшін ол маңызды емес. Осы орайда тегін ауыстыру қаншалықты маңызға ие екенін зерделеп көрсек.

Психология ғылымында әйелдің күйеуінің тегіне өтуі сол отбасының тіршілігіне сіңісуіне жеңіл болады деп таниды. Әрі күйеуін силап, кішірейіп тұратының белгісі іспетті екен. Бұл, әрине бір жақтама ғана пікір. Себебі тегін ауыстырып ажырасып кеткендер бар, ал әркім өз тегінде қалып бірге ғұмыр кешіп жатқандар да аз емес. Бұл жердегі нәтиже екеуінің түсініктеріне байланысты сияқты. Ал, Еуропа елдерінде тұрмысқа шыққан қыздың есіміне «Миссис» сөзі жалғанады. Яғни, басы бос емес екенінің айғағы. Мұндай жағдай да оларға құжаттын ауыстырып керек емес.

Тегін ауыстыру мәселесіне келгенде астрологтардың пікірі де психологтарға жақын. «Негізінен тегіңізді ауыстыруға байланысты тақырып, бос дүние емес!»дейді олар. Өйткені, сіз оның фамилиясынан бас тарту арқылы оның қағидаларынан да бас тартып тұрғандай боласыз. Жаңа өмір бастайтын уағыңыздағы отбасылық байланыс осы бір жерден басталатынға ұқсайды. Осы мәселеде сіздің ойыңыз қандай?