Тәліптер өлім жазасын қайтарады
«Талибан» өкілі, Ауғанстандағы жазаны орындау жөніндегі комиссияның басшысы Нұреддин Тораби елде өлім жазасы қайта күшіне енетінін мәлімдеді, деп хабарлайды Express Qazaqstan. Бұл туралы Rbc.ru жазды.
Барлығы бізді стадиондағы жазалар үшін сынады. Бірақ біз өзгенің заңы мен жазасы туралы ешқашан ештеңе айтқан емеспіз. Заңдарымыз қандай болуы керек екенін ешкім айтпайды. Біз исламды ұстанамыз және өз заңдарымызды Құран негізінде орнатамыз, деді "Талибан" өкілі Нұреддин Тораби.
Сондай-ақ ол аяқ-қолды кесу қауіпсіздікке оң әсер етеді және қылмыс жасауды тежей алады деді. Дегенмен жаңа билік жазаның бұл түрінің жариялылығы туралы шешім шығармаған.
Айта кету керек, Ауғанстанды басып алу кезінде тәліптер стадиондарда, алаңдарда көпшіліктің көзінше өздеріне қарсы келгендерді жазалаған болатын.
