РИА новости агенттігінің жазуынша қала мэрі Кабулдағы 3 мыңға жуық муниципалды жұмысшының үштен бір бөлігі әйелдер екенін атап өтті. Ол сондай-ақ кейбір жұмыс орындарындағы әйелдер өз жұмысын жалғастыра алатын айтты.

"Мысалы, ерлер кіруге тыйым салынған қалалық әйелдер дәретханасы сияқты орындарда жұмыс істейтін әйелдерге қатысты", — деп түсіндірді мэр.

Номани 1990 жылдары Талибанның бұрынғы билігі кезінде де Кабул қаласының мэрі болған. Ол сол кезден бастап БҰҰ Қауіпсіздік Кеңесі санкция салған адамдардың тізіміне енгізілген.

1990 жылдары Талибан елде билікті алғаш қолға алған кезде әйелдерге оқуға және жұмыс істеуге тыйым салған болатын. Елдің көп азаматы билікке қайта келген тәліптер дәл осындай тәртіпті қайта орнатпақшы деп қорқады. Дегенмен, қозғалыс өкілдері әлемдік қоғамдастық алдында бұрынғы кейбір саясаттары өзгеретінін айтып сендіреді.

Айта кетейік, жақында жаңа үкімет елдегі Әйелдер істері министрлігін таратты. Осыған байланысты таратылған министрлік ғимаратының алдында кіші наразылық акциясы өтті. Оған елдегі мыңға тарта әйелдер қатысты. Әйелдердің тағы бір тобы баспасөз мәслихатын өткізіп, елде өз құқықтарының сақталуын талап етті.

"Талибан" қозғалысы — Қазақстан Республикасы аумағында тыйым салынған лаңкестік ұйым.