Туристер үшін ең қауіпті елдер тізімі жарияланды
Германиядағы Роберт Кох институты (RKI) неміс туристерін COVID-19 вирусынан сақтандыру үшін бірқатар елдердің тізімін жариялады, деп хабарлайды Express Qazaqstan.
Соңғы төрт аптада Германияда 87 572 адам вирус жұқтырғаны анықталып, олардың 26 218-і қандай шет мемлекеттерден ауру боп оралуы мүмкін екендіктерін айтқан, деп жазады Frankfurter Rundsсhau басылымы.
Вирус жұқтырып келгендердің көбі Балқан елдерінде демалғандар. Ал 6 087 адам Түркияда ауру жұқтырдым деп күдіктенеді,
— дейді аталмыш институт мамандары.
Ковид жұқтырғандардың 5,7 мыңы Косово мемлекетінде болған. Үшінші орында 2,5 мың неміс "сау барып, ауырып қайтқан" Хорватия елі тұр. Сондай-ақ қауіпті елдер тізімінің ондығында — Грекия мен Италия да бар.
Әзірге шет елдерден ауру боп оралған туристер саны соңғы аптада 17%-ке түсті. Алдыңғы айда бұл көрсеткіш 27% еді,
— деп мәлімдейді RKI ғалымдары.
Институт мамандары бұндай зерттеуді туристер үшін ғана емес, шет елдерге көп шығатын азаматтар үшін жасағанын ескертуде.
