Вирусолог коронавирустың екінші толқыны туралы айтты
Вирусолог жылдың аяғында болуы мүмкін коронавирустың екінші толқыны әлемге бұдан да зор зардап әкелуі мүмкіндігін ескертті. Бұл туралы Qamshy.kz Вашингтон Постқа сілтеме жасап хабарлайды. АҚШ-тың ауруларды бақылау және алдын алу орталықтарының (CDC) директоры Роберт Редфилдың Вашингтон Постқа айтуы бойынша, келесі қыста коронавирустың қайта тірілуі маусымдық тұмауға сәйкес келуі мүмкін. Олай болатын болса, денсаулық сақтау қызметтеріне түсетін ауыртпалық қазіргі жағдайдан әлде қайда ауқымды болады.
Оның айтуынша, егер маусымдық тұмау мен Ковид-19 бір мезгілде болса, «денсаулық қызметтеріне шынымен де, өте, өте, өте қиын болуы мүмкін».
Американдық медициналық ассоциацияның президенті доктор Патрик Харрис CNN-ге берген сұхбатында доктор Редфилдтің пікірлерін қайталады.
Ол ақпараттық агенттікке «Егер бұл вирус басқа вирустар сияқты болса, күзде қайталануы мүмкін» деді.
