РИА Новости жазуынша, Қытайдағы ахуалды АҚШ-тың танымал дәрігер-инфекционисті Энтони Фаучи сараптаған.

Дәрігердің сөзінше, Қытайда эпидемияның екінші толқыны басталуы мүмкін. Маманның айтуынша, бұл барлық шектеулер алынып, адамдар қалыпты өмірлеріне қайта бастаған кезде болмақ. Фаучи бұл жағдай болмайды деген үмітте екенін, алайда мұны жоққа шығаруға болмайтынын айтты.

Одан бөлек, ол АҚШ аумағындағы эпидемия жайлы да сөз қозғаған. Ғалымның сөзінше, вирустың таралуы бір-екі айдың ішінде тоқтауы мүмкін. Бұл тұрғындарды қорғау үшін биліктің қандай шешім қабылдайтынына байланысты.

Фаучидің айтуынша, АҚШ-тағы індет динамикасы Қытай немесе Оңтүстік Кореямен ұқсас болады.

Еске сала кетсек, соңғы мәліметтер бойынша, елімізде коронавирус жұқтырғандар саны тоғыз адамға жетті. Оның жетеуі Алматыда, екеуі астанада. Сондай-ақ вирус жұқтырғандар арасында он екі жастағы жасөспірім бар.