Америка Құрама Штаттарында биыл қыста тұмаудан кем дегенде 63 бала көз жұмды, деп хабарлайды «ҚазАқпарат» ХАА Fox News-қа сілтеме жасап.
АҚШ Денсаулық сақтау министрлігі Ауруларды алдын алу және бақылау орталығының дерегі бойынша, осы аптада балалар арасында тұмаудан  көз жұму оқиғасы 16 рет тіркелген. Сонымен қатар, вирустан мерт болған балалар саны 63-ке жетіп отыр.
Ведомство хабарлағандай, тұмау маусымының таяуда аяқталатынына ешқандай негіз болмай отыр. Биыл аталмыш індет жұқтыру рекордтық көрсеткішке жетеді деп күтілуде. Дәрігерлер тұмауға қарсы екпе алып, мүмкіндігінше қоғамдық орындарға аз баруға кеңес беруде. 
inform.kz