Басылымның жазуынша, Ванга "22.02.2020" датасын қауіпті деп санаған. Оның болжамынша, бұл күні адамзат үшін төңкеріс болуы мүмкін.

Көріпкелдің бұл айтқан сөздері жақында ғана жарыққа шыққан.

Ванга бұған дейін өзі жасаған кейбір болжамдарды жарияламауды сұраған екен. Алайда оның туыстары осыған дейін ешкім білмеген болжамдарды көпшілікке ұсынуды жөн көріпті.

Сонымен, туыстарының сөзінше, Ванга бұл күні Жерді аман алып қалу керектігін айтқан.

Көріпкелдің айтуынша, Жер бетін күл жауып, су жағаға шығады. Одан бөлек бір аурудың аты айтылады.

Ванганың аудармашысы Стояна Петрованың сөзінше, ол бүкіл адамзатқа зиянын тигізетін, көпшілік ұмыт қалдырған дерт туралы айтқан. Ванга бұл аурудың шығу себептерін айтпапты.

Ол тек індет оңтүстіктен басталып, бүкіл адамзатты жаулап алады деп болжаған. Бұл инфекциядан жүздеген миллион адам қайтыс болуы мүмкін.

Сондай-ақ Ванга космостық апат жөнінде де жорамал жасапты. Ол екі саны бес рет кездескен күні астероидпен Жердің соғысатынын мәлімдеген.

Оның айтуынша, жер бетінен ірі аймақтар жоғалып, тірілер өлілерге қызығады. Сонымен бірге, көріпкел үлкен дене Жерге ұшып келіп, суға құлайтынын айтқан.