Өз зиратына ұшырасып, таң қалған
Шотландияның Формор қаласына қарасты Ангус округінің тұрғыны зираттан өз қабірін тауып алған. Бұл туралы Lenta.ru ақпарат порталы жариялаған. 75 жастағы Алан Хэттель мынандай кездейсоқ таңғажайып оқиғаға ұшырасады. Ол зираттан әлі өмір сүріп жатқан өзінің аты-жөнін кездестіреді.
Оқиғаның мән-жайын анықтамақ болған қария ол жерді кім сатып алғаны туралы ізденгенімен, жергілікті аудан әкімшілігінің қызметкерлері сұранысын қанағаттандырмай, бұл туралы ақпаратты құпия сақтап отырған көрінеді.
Қабір иесі оны өзінің бұрынғы әйелі салған деп топшылап отыр. Себебі, ол өзінің қасында бірге жерленгенін қалапты. Ал Хеттельдің қалауы басқа, «Мен тіпті, жерлеуді қаламаймын - кремациялауды жоспарлап отырмын», - дейді.
Оны біраз уақыттан бері достары мен араласатын адамдары қонаққа шақырмаған. Мұның сырын Хеттель зираттағы амалмен байланыстырады.
"ҚАЗАЛЫ" ақпарат
