Бұл бағытта жүргізілген зерттеуге 324 ер-азамат қатысқан. Ғалымдар олардың аяқ алысына назар аударып, жүрісін қадағалаған.

Нақтырақ әрі тарқатып айтқанда, ғалымдар басқан екі қадамындағы қашықтықты (сантимермен) бойының ұзындығына (сантиметрмен) бөлген.

Күншығыс елінде бұл параметр қартаюдың маңызды маркері саналатын аяқтың бұлшық етінің күшін, балансын, икемділігін бағалауда қолданады.

Сонымен қатар, зерттеуге қатысқандардың жыныстық қызметін 25 балды шкала бойынша қадағалаған. 25-22 балдық көрсеткіште эректилді дисфункция мүлдем болмаған, ал бес-жеті балды көрсеткіш интимді өмірінде проблемаға тап болғанын айғақтайды.

Екі қадамының қашықтығы орташа есеппен 153 сантиметрді құрағандардың адамы қысқа саналады, ал 166 сантиметр қалыпты саналады.

Адымын қысқа алғандардың 40 пайызының белсіздіктен зардап шегетіні анықталған.

Бұрын жүргізілген зерттеу нәтижесі көрсеткендей, белсіздікке бейім тұратын адамдардың адымының қысқа болуы қуықтың, ішектің жұмыс істеуіне және жыныстық функцияға ықпал ететін жамбас бұлшық етінің әлсіздігімен байланысты болып шыққан. Сол себепті, ер адамдарға жыныстық белсенділігін арттыру үшін жиі жаттығулар жасап тұруға кеңес берген.