WhatsApp-тың іскер жазбаларға арналған жаңа нұсқасы іске қосылды

Android платформасында WhatsApp Business тегін бағдарламасы іске қосылды. Бұл туралы мессенджер құрастырушылардың ресми блогында хабарлайды.

WhatsApp-тың стандарт нұсқасынан ерекшелігі – бизнес-профильді жасай алу мүмкіндігінде. Бағдарламаны қолданушы компания бизнес-акаунтта айналысатын саласын, қызметтері, мекенжайлары мен телефон нөмірлерін көрсете алады.

Профильде көрсетілген телефон нөмірі компанияның нөмірімен сәйкес келуі шарт.

Әзірше WhatsApp Business бағдарламасы Индонезия, Италия, Мексика, Ұлыбритания және АҚШ қолданушылары үшін ғана қол жетімді болып отыр. Бірақ алдағы апталарда құрастырушылар «мессенджердің георафиясын ұлғайтамыз» деп уәде етті.