Түнгі рейд жұмыстары жүргізілді
Қазалыда жастар арасындағы құқық бұзушылықтардың алдын алу тұрақты түрде жалғасын тауып келеді. Қоғамдағы өзекті болып отырған бұл мәселеге қатысты облыс әкімі Нұрлыбек Нәлібаев түнгі рейд жұмыстарын күшейтіп, құқықбұзушылықтың алдын алу бойынша бірқатар тапсырмалар берген болатын.Осыған орай аудан орталығында күн сайын кезектілікке сәйкес түнгі рейд жұмыстары тоқтаусыз жүргізілуде. Аудан әкімінің орынбасары Жалғас Сүйеубаев бастаған қоғамдық тәртіпті бақылаушы топ аудан орталығындағы жасөспірімдердің көптеп бас қосатын орындарына бас сұғып, түсіндірме жұмыстарын жасады.
Атап айтсақ, арнайы құрам спорт алаңдары, мейрамханалар, дүкендер, ойын-сауық орталықтары мен тамақтанатын орындарға барып, кәмелет жасқа толмаған өскіндердің беймезгіл уақыттан кейін жүруіне болмайтындығын ескертті.
Айта кетейік, бұл бағыттағы жұмыстар күнделікті бекітілген кестеге сәйкес жүргізіле беретін болады.
