Жас ақындар тренингі
Ғани Мұратбаев ауылдық мәдениет Үйінде жастар жылына орай "Жырларым бар жүректе" атты жас ақындар арасында өзара пікір алмасуға бағытталған мотивациялық тренинг өткізілді.Шараға аудандағы бірнеше жыр мүшәйрасында топ жарған жас ақындар Ақжол Түменбай, Орынбай Ғасырбек, Бақытжан Қаһар, Дәулет Жадырасын, Әлихан Махашов, тарихшы Рамазан Әбілдос және Ғани ауылының өнерлі өрендері Жаннұр Әби, Нұрай Тұрарова, Аружан Көбен қатысып, өз өлеңдерін оқып, пікірлерін ортаға салды. Шараны ұйымдастыруға атсалысып, белсенділік танытқан Елнұр Нұрқасым тренингті жүргізіп отырды.
Қатысушылар өз шығармаларымен бірге қазіргі әдебиеттегі соны жаңалықтарды ортаға салып, болашақ жоспарларымен бөлісті, өлең құрылысы туралы сөз қозғады.
Бастама алдағы уақытта да жалғасын таппақ.
«ҚАЗАЛЫ» ақпарат
