Қазақстан Республикасының Тәуелсіздігі мерекесі қарсаңында өнеріміз бен мәдениетімізді, әдебиетімізді дамытуға зор үлес қосқан бір топ қаламгерлер мемлекеттік марапаттарға ие болды.

Марапатталғандар арасында біздің жерлесіміз, Қазақстан Республикасының Мәдениет қайраткері, Халықаралық Ақпараттар Академиясының академигі, «Алматы ақшамы» газетінің бөлім редакторы Ермек Зәңгіров те бар. Белгілі журналист Қазақстан Журналистер одағының ең үлкен марапаты – Қазақстанның «Құрметті журналисі» атағына ие болды.

Биыл еліміз Алаш қозғалысының 100 жылдығын атап өтті. Айтулы шараны жазып, насихаттауда жерлесіміздің де үлкен үлесі бар. Алаш қозғалысының 100 жылдығының қорытындысын атап өткен салтанатта Ермек Жұмахметұлы «Алашқа – 100 жыл» мерекелік медалімен марапатталды.

Жерлесімізді қолжеткен табыстарымен құттықтай отырып, алда да биіктерден көріне беруіне тілектеспіз.