Лицей-интернат командалары биіктен көрінді
Елбасының «Болашаққа бағдар: Рухани жаңғыру» бағдарламалық мақаласы аясында Қорқыт ата атындағы Қызылорда мемлекеттік университетінің студенттер сарайында HackDay идеялар фестивалі өткен болатын.Оған №10 дарынды балаларға арналған облыстық «Білім-инновация» лицей-интернатынан 3 команда қатысып, өзара сайысқа түсті. Нәтижесінде 2 команда бірінші орын, 1 команда Алғыс хат иеленді.
№10 дарынды балаларға арналған облыстық «Білім-инновация» лицей-интернатының 11 «а» сынып оқушылары: Алина Аждарбек, Әсел Мұстафа, Диана Торғауыт, Ақерке Базарбай идеялар фестивалінің «Кино және видео» бағыты бойынша жеңіс тұғырынан көрінді.
Олардың сыныптастары: Кәмшат Жармахан, Әйгерім Жақсылық, Алтынай Садықбек пен Анастасия Когай «Ақпараттық технология» бағыты бойынша үздік шықты.
e-kyzylorda.gov.kz
