Қазалы Qazaly.kz ақпараттық агенттігі
» » » Жүректің сөзін сөйле, тіл

Жүректің сөзін сөйле, тіл

Кәукей ауылындағы №225 орта мектеп ұжымының ұйымдастыруымен ауылымыздың ақыны, тілші, аяулы ұстаз Қабылов Сәкен Ізбасарұлының шығармашылығына арналған "Жүректің сөзін сөйле, тіл" атты кеш өтті. Кеш барысында мектеп директоры Д.Мешітбай, мектептің тәрбие ісі жөніндегі орынбасары А.Сауытбаев жүрекжарды жылы лебіздерін арнады.
Кештің шымылдығы автордың сөзіне жазылған әні Жолбарыс Сейфуллиннің "Кәукейім менің" әнімен ашылды. Сонымен қатар өлеңдері оқылып, "Жез киік, кешір адамды" балладасына көрініс қойылды.
Қабылов Сакен Ізбасарұлы 1971 жылы 4 желтоқсанда Қазалы ауданы, "Қызылқұм" ауылдық кеңесіне қарасты Ажар елді мекенінде дүниеге келген. Шәкіртке сапалы білімімен қоса саналы тәрбие берудегі ұстаздық еңбегі еленіп, Алматы қалалық білім басқармасының "Алғыс хатымен","Білім және ғылым қызметкерлері кәсіподағының облыстық комитеті" Құрмет грамотасымен", аудандық білім бөлімінің Алғыс хаттарымен марапатталған.
Халықаралық Қазақ тілі бірлестігінің "Қазақ тілі" төсбелгісімен және "Qazaqstan ardagerleri" қауымдастығының (төрағасы Б. Смағұл) Бауыржан Момышұлы атындағы "Батыр шапағаты" медалімен марапатталған.
"Жүректің сөзін сөйле, тіл" жеке жыр жинағының және "Кәукейім менің" (С.Жолбарыс), "Тәуелсіз елім" (Қ.Изеев), "Ұстазым әні" ( Ә. Байсенгиров), "Қиялдағы қыз" (К.Өтеп), "Еркелеген елігім"(Б. Ерболат), "Сағынышым" (Н.Алғашбаев), "Ажарым-ғажабым" (Н.Алғашбаев), "Туған жерге сағыныш" (Б.Жібекәлі) әндерінің сөзін жазған.
Отбасында екі баласы бар.
Аяулым ҚАБЫЛ

21 қараша 2019 ж. 1 742 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031