Қазақстан бойынша теледидар мен радио өшіріледі
Сурет: unsplashҚазақстан бойынша 2024 жылғы 24 қаңтарда теледидар мен радио 14 сағатқа өшеді, деп хабарлайды Zakon.kz. Оған себеп – осы жылдың бірінші тоқсанына жоспарланған жөндеу жұмыстары.
"Қазтелерадио" АҚ үздіксіз және сапалы телерадио хабарларын таратуды қамтамасыз ету мақсатында спутниктік, цифрлық және аналогтық жерүсті желілерінің техникалық құралдары бойынша қызметтерді тоқтатып, тоқсан сайын жоспарлы профилактикалық жұмыстарды жүргізеді. Осыған байланысты біз 24 қаңтарда сағат 3:00-ден 17:00-ге дейін (Астана уақыты бойынша) телерадио хабарларын таратуды тоқтатып, профилактикалық жұмыс жүргізілетінін мәлімдейміз", - деп хабарлады "Қазтелерадио" АҚ баспасөз қызметі.
Ұлттық оператор уақытша қолайсыздықтар үшін кешірім сұрады.
