31 қаңтарда Қазақстанның ауа райы антициклон ықпалында болады, сондықтан жауын-шашынсыз ауа райы сақталады. Еліміздің кей жерлерінде тұман, оңтүстігінде желдің күшеюі, батысында жаяу бұрқасын күтіледі, деп хабарлайды ҚазАқпарат «Қазгидромет» РМК-ге сілтеме жасап. 

Алматы облысының Жалаңашкөл ауданында жел күшейіп, жылдамдығы 24-29 м/с-ге жетеді, түнде өңірдің кей жерлерінде тұман күтіледі. Жамбыл облысының кей жерлерінде тұман түсуі ықтимал, жел жылдамдығы 15-20, кейде 23 м/с-ге күшейеді. Оңтүстік Қазақстан облысының кей жерлерінде жел 15-20 м/с күшеюі күтіледі.

Қызылорда, Маңғыстауда, түнде және таңертең Шығыс Қазақстан облысының кей жерлерінде тұман күтіледі. Батыс Қазақстан, Атырау облыстарының кей жерлерінде жаяу бұрқасын күтіледі. Алматы облысының кей жерлерінде қатты аяз сақталады. Маңғыстау облысының кей жерлерінде қатты аяз түсуі ықтимал.