Тұрғындардың өтініштеріне назар аударылды
Бүгін «Әділет» партиясы Қазалы аудандық филиалында Қазалы ауданы әкімінің орынбасары Алиев Жәнібек Алмасұлы бекітілген кестеге сәйкес аудан тұрғындарын жеке мәселелері бойынша қабылдады.Қабылдау барысында тұрғындар бірқатар өзекті мәселелерді көтерді. Атап айтқанда, азаматтар жұмысқа орналасу, көшелерге атау беру және тұрғындарға әлеуметтік қолдау көрсету мәселелері бойынша өтініштері мен ұсыныстарын жеткізді.
Қабылдау кезінде Жәнібек Алмасұлы тұрғындардың сауалдарына қолданыстағы заңнама аясында тиісті түсіндірмелер беріп, көтерілген мәселелердің шешу жолдарын қарастырды.
Сонымен қатар, жауапты сала мамандарына азаматтардың өтініштерін жан-жақты зерделеп, заң талаптарына сәйкес тиісті жұмыстар жүргізу жөнінде тапсырмалар берілді.
Тұрғындардың өтініштері назарға алынып, көтерілген мәселелердің орындалу барысы бақылауда болатыны айтылды.
#қазақстан #әділет #әділетпартиясы #ӘділеттіҚазақстан #партияадилет
