Тұрғындардың өзекті мәселелері талқыланды
Бүгін «Әділет» партиясы Қазалы аудандық филиалында Қазалы ауданы әкімінің орынбасары Мұрат Әбсұлтанов бекітілген кестеге сәйкес аудан тұрғындарын жеке мәселелері бойынша қабылдады.Қабылдау барысында тұрғындар тұрғын үй кезегіне қатысты, тұрғын үйді жекешелендіру, сондай-ақ көпқабатты тұрғын үйлердің санитарлық тазалығы мен аумақтарды күтіп-ұстау мәселелерін көтерді. Аудан әкімінің орынбасары азаматтардың сауалдарына қолданыстағы заңнама аясында тиісті түсіндірмелер беріп, көтерілген мәселелерді шешу жолдарын қарастырды.
Сонымен қатар, Мұрат Байғабылұлы жауапты сала мамандарына тұрғындардың өтініштерін зерделеп, заң талаптарына сәйкес шешу бойынша тиісті тапсырмалар берді. Қабылдау барысында азаматтардың мәселелері назарға алынып, олардың орындалу барысы бақылауда болатыны айтылды.
#қазақстан #әділет #әділетпартиясы #ӘділеттіҚазақстан #партияадилет
