Автомектептерді мемлекет қайта бақылайды: не өзгереді?
Фото: depositphotos.comҚазақстанда автомектептерге мемлекеттік бақылау қайтарылады, ал 2027 жылдан бастап оларды ашу үшін рұқсат алу қажет болады. Бұл туралы Үкімет отырысында ішкі істер министрі Ержан Сәденов мәлімдеді, деп хабарлайды Tengri Auto.
ІІМ басшысының айтуынша, елімізде болашақ жүргізушілерді даярлау сапасына бақылау күшейтіліп жатыр.
"Автомектептерге мемлекеттік бақылауды қайтарып жатырмыз. Өз бетінше даярлануды жойдық. Сондай-ақ басқа да шаралар қолданылады", - деді Сәденов.
Министр қабылданған шаралардың жаңадан бастаған жүргізушілер қатысатын жол апаттарының статистикасына әсер ете бастағанын атап өтті. Оның деректері бойынша, өтілі бір жылдан аспайтын жүргізушілердің кінәсінен болған адам өлімі бар жол-көлік оқиғаларының саны 2025 жылы 40 пайызға, ал 2026 жылы тағы 7 пайызға азайған.
Сонымен қатар 2027 жылдың қаңтарынан бастап Қазақстанда автомектептерді ашудың рұқсат беру тәртібі енгізіледі.
Бұл ІІМ-ге оқу ұйымдарына жүргізушілерді даярлауға рұқсат беру және кейіннен олардың қызметін бақылау құзыреті берілетінін білдіреді. Тиісті өзгерістер заңнамада қарастырылған және 2027 жылғы 1 қаңтардан бастап күшіне енеді.
Осы жылдың мамыр айында көлік құралы жүргізушілерін даярлау жөніндегі кәсіби бірлестік лицензиялау енгізілген жағдайда автомектептердің жартысынан астамы нарықтан шығып қалуы мүмкін белгілі болған еді.
