Қазалы ауданында Құрбан айт мерекесіне орай кіші футболдан сайыс өтті
2026 жылдың 17 мамыр күні Қазалы аудандық қоғамдық даму бөлімі мен “Асыл мұра-Орда” қоғамдық қорының ұйымдастыруымен Құрбан айт мерекесіне орай Қазалы ауданы көлемінде тіркелген діни бірлестіктерге келушілер арасында кіші футболдан аудандық сайыс ұйымдастырылды.
Аталған спорттық шараның мақсаты – салауатты өмір салтын насихаттау, діни бірлестіктер арасындағы ауызбіршілік пен бауырмалдықты арттыру, жастарды спортқа баулу және достық қарым-қатынасты нығайту.Сайысқа аудан көлемінен жалпы 6 команда қатысып, өзара тартысты әрі тартымды ойын өрнегін көрсетті. Турнир барысында қатысушылар жоғары белсенділік танытып, спорттық мәдениет пен ұйымшылдықтың үлгісін көрсете білді.Сайыс қорытындысы бойынша:
І орын Нұралы мешіті командасы
ІІ орын Қожаназар мешіті командасы
ІІІ орын Медресе командасы иеленді.
Жеңімпаз командалар арнайы кубоктармен және алғыс хаттармен марапатталды. Сонымен қатар жүлделі орын иегерлеріне қаржылай сыйақылар табысталды:
І орын 100 000 теңге
ІІ орын 70 000 теңге
ІІІ орын 40 000 теңге
Ұйымдастырушылар алдағы уақытта да осындай тағылымды әрі спорттық іс-шаралар жалғасын табатынын атап өтті.
