Футбол турниріне жеті команда қатысты. Аталған сайыстың басты мақсаты – жамағат арасындағы бірлікті, бауырмашылдықты, салауатты өмір салтын ұстануды насихаттау, жалпы құндылықтарды қалыптастыру.⠀

Дүбірлі додағаа ауданға қарасты мешіттердің жамағаты қатысып, бақ сынады. Тартысты бәсекеде қатысушылар әдемі ойын өрнегін көрсете білді. Жарыс қорытындысы бойынша «Әли Муса – 2» құрамасы бірінші орынға шықты. Екінші орында «ӘлиМуса –1» командасы еншіледі. Ал үшінші орынды «Жанқожа батыр» жамағатынан құралған команда қанжығасына байлады. Сайыс жеңімпазы мен жүлдегер командалар жүз мың теңге, жетпіс мың теңге, елу мың теңге көлеміндегі қаржылай сыйлықтар мен димпломдарға ие болды. Сайыстың қызықты әрі тартысты өтуіне өзіндік үлесін қосып, ойын барысында өздерінің шеберліктерін көрсеткен қатысушылар да марапатқа ие болды. Атап айтсақ, Нұрқасым Жолмырзаев «Үздік қақпашы», Дәуренбек Ерғалиев «Үздік қорғаушы», сондай-ақ Иман Мейірімжан «Үздік шабуылшы» бағамдарымен марапатталды. Ал сайысқа белсене қатысқан өзге командаларға жиырма мың теңге көлеміндегі ынталандыру сыйлығы табысталды.

Турнир соңында жарысқа қатысушылар жамағат бірлігін арттыруға бағытталған осындай шаралардың көбірек өтсе деген тілегін жеткізіп, ұйымдастырушыларға алғысын білдірді.