Әлеуметтік сала қызметкерлерінің ұсыныс-пікірлері тыңдалды

Бүгін аудандық мәслихаттағы «AMANAT» партиясы депутаттық фракциясының мүшелері әлеуметтік сала қызметкерлерімен кездесу өткізді.
Жиынға партия филиалының Атқарушы хатшысы Нұрғиса Жалғасбаев, аудандық мәслихат депутаттары Арғын Орымбаев, Ерболат Мұхаш және Эльмира Нұрмағанбетова қатысты.

«Руханият» орталығында өткен кездесуде партия филиалының атқарушы хатшысы Нұрғиса Жалғасбаев аудан көлемінде атқарылып жатқан жұмыстарға кеңінен тоқталып, әлеуметтік-экономикалық даму бағытында жүзеге асырылып жатқан жобалар мен алдағы жоспарлар туралы баяндады. Сонымен қатар партияның сайлауалды бағдарламасының орындалу барысы жөнінде ақпарат берді.

Кездесу барысында сала қызметкерлері тарапынан көтерілген мәселелер мен ұсыныстар назарға алынды. Әрбір мәселе мұқият тыңдалып, тиісті түсіндірмелер берілді.