Партияластардың ұсыныс-пікірлері тыңдалды
Бүгін «AMANAT» партиясы Қазалы аудандық филиалының «Қазалы ВЧД-6 Жол бойы» БПҰ-да партия мүшелерімен кездесу өтті.Жиынды ашқан партия филиалының Атқарушы хатшысы Нұрғиса Жалғасбаев бірінші кезекте филиал тарапынан атқарылып жатқан бірқатар жұмыстарға тоқталып, мұнан соң тұрғындардың ұсыныс-пікірлеріне кезек берді.Өз кезегінде тұрғындар Мағзаман әулие көшесіндегі электр желілерін қайта жаңғырту және байланыс жүйесін күшейту, Жанқожа батыр мешітінің алдын жарықтандыру мен 5 квартал аумағына өтетін теміржол өткеліне пластикалық төсемдер салу сынды ұсыныстарымен бөлісті.Аталған ұсыныстар бойынша партия филиалының Атқарушы хатшысы Нұрғиса Жаппарбергенұлы тиісті жауаптар беріп, бақылауға алып жұмыс атқаратындығын жеткізді. Айта кетейік, жиынға «Қазалы ВЧД-6 Жол бойы» БПҰ-ның төрағасы Арғын Орымбаев қатысты.
