Аудандық мәслихаттағы фракция отырысы өтті

Бүгін аудандық партия филиалының мәжіліс залында Қазалы аудандық мәслихаттағы «AMANAT» партиясы депутаттық фракциясының отырысы өтті.
Жиынға аудандық партия филиалының Атқарушы хатшысы, фракция жетекшісі Нұрғиса Жалғасбаев төрағалық етіп, күн тәртібінде аудан бойынша азық-түлік өнімдерінің бағасын тұрақтандыру шаралары, мектептерді күрделі жөндеу және салу барысы, колледж студенттерінің жатақханадағы орындармен қамтамасыз етілуі, аудан бойынша күрделі жөндеу мен құрылыс жұмыстарының барысы және аудан көлемінде жанар-жағармай материалдарымен қамтамасыз етілуі туралы өзекті мәселелер қаралды.

Күн тәртібіндегі мәселелер бойынша дербес бөлім басшылары мен тиісті сала өкілдері хабарлама жасады.

Отырыс барысында фракция мүшелері тарапынан бірқатар ұсыныс пікірлер айтылып, тиісті қаулылар қабылданды.

Айта кетейік, аталмыш жиынға аудан әкімінің орынбасары Жалғас Оңғарұлы, фракция мүшелері мен тиісті сала өкілдері қатысты.