Жеке қабылдау өтті
Қазалы қаласындағы сайлаушылармен кездесуден кейін халық қалаулылары тұрғындарды жеке мәселелері бойынша қабылдау өткізді. Жеке қабылдауға аудандық партия филиалының Атқарушы хатшысы Нұрғиса Жалғасбаев, облыстық мәслихат депутаты Нұрлан Имандосов, аудандық мәслихат депутаттары Күншығар Әбілов пен Ардақ Кәдір қатысты.Қабылдау барысында қала тұрғындары өздерін толғандырып жүрген бірқатар мәселелерді көтерді. Атап айтқанда, аяқ сумен қамту және кәріз жүйелерінің жай-күйіне қатысты мәселелер кеңінен сөз болды.
Халық қалаулылары көтерілген мәселелердің барлығы назарға алынатынын атап өтіп, тиісті сала мамандарымен бірлесіп, кезең-кезеңімен шешу жолдары қарастырылатынын айтты. Сонымен қатар, әрбір өтініш пен ұсыныстың бақылауда болатыны жеткізілді.
#AMANAT
