Мәслихат депутаты тұрғындардың талап-тілегін тыңдады
Бүгін Қазалы аудандық партия филиалының жұмыс жоспарына сәйкес кезекті қоғамдық қабылдау өтті. Қабылдауды аудандық мәслихат депутаты, аудандық мәслихаттағы «AMANAT» партиясы депутаттық фракциясының мүшесі Күншығар Әбілов өткізді.Қабылдау барысында тұрғындар тарапынан бірқатар мәселелер көтерілді. Атап айтқанда, тұрғын үй кезегіне қатысты сұрақтар, аяқ су арықтарын мерзімінде тазалау, сондай-ақ жұмыспен қамту мәселелері бойынша өтініштер айтылды.
Күншығар Әбілұлы тұрғын үй кезегіне байланысты қойылған сұрақтарға қолданыстағы заңнама аясында түсіндірме беріп, тиісті сала мамандарымен бірлесе қаралатынын жеткізді. Ал аяқ су арықтарын тазалау мәселесін бақылауына алатынын атап өтті. Жұмыспен қамтуға қатысты өтініш білдірген тұрғындарға мемлекеттік бағдарламалар мен бос жұмыс орындары жөнінде ақпарат ұсынылды.
#AMANAT
